የተለየ ሁኔታ ወይም ምክንያት ከሌለ በቀር መደበኛ ችሎት ጠዋት ሶስት ሰዓት እና ከሰዓት ስምንት ሰዓት ይሰየማል፡፡

በችሎት ውስጥ የሚከተሉት ዋና ዋና ተግባራት ይከናወናሉ

1.   ክስ፣ መልስ፣ የፅሁፍ ማስረጃ፣ የተለያዩ አቤቱታዎችን እና አስተያየቶችን መቀበል

2.   ክስ፣ ሙግት/ክርክር፣ እና ምስክር መስማት

3.   ትዕዛዝ፣ ብይን፣ ፍርድ፣ ውሳኔ እና ቅጣት ማንበብ

1.   ቃለ መሐላ እውነትን በማውጣት ረገድ ከፍተኛ ሚና ስላለው በህግ የመማል ግዴታ ያለበት ማንኛውም ሰው፣ ተከራካሪ ወገን፣ ምስክር ወይም አስተርጓሚ ሚሰጠው ቃል ወይም ምስክርነት ወይም ትርጉም እውነተኛ ስለመሆኑ የሚያረጋግጥ ቃለ መሐላ በህጉ በተቀመጠው አግባብ ይፈፅማል፡፡

በችሎት ሂደት የክስ፣ የመልስ፣ የአቤቱታ እና የማስረጃ ልውውጥ ሲደረግ፤ ክስ፣ ክርክር፣ ወይም ምስክር ሲሰማ፤ ማንኛውም ሌላ ማመልከቻ፣ አቤቱታ፣ ቅሬታ ወይም የማጠቃለያ ንግግር ሲቀርብ፤ ትዕዛዝ፣ ብይን፣ ፍርድ፣ ዉሳኔ ወይም ቅጣት ሲነበብ ወይም ዳኛው ሌላ የችሎት ስራ ሲያከናውን ጉዳዩ የሚመለከተው ተከራካሪ ወገን ወይም ወኪል፣ ጠበቃ፣ ዐቃቤ ህግ፣ ነገረ ፈጅ ወይም ሌላ ሰው ለፍርድ ቤቱ ክብር ሲባል ጉዳዩን ቆሞ ይከታተላል፡፡ ሆኖም ችሎቱ እንደየሁኔታው በህመም፣ በአካል ጉዳት፣ በእድሜ መግፋት፣ በእርግዝና እና በሌሎች መሰል ምክንያቶች ቆሞ መከታተል የማይችል ሰው ካለ ወይም ክርክሩ ረዥም በሚሆንበት ጊዜ ከተከራካሪ ወገን ወይም በጋራ ክስ ካቀረቡት ወይም ከተከሰሱት ሰዎች መካከል ክርክር፣ ቅሬታ፣ አቤቱታ ወይም ምስክር የማያሰሙት እንዲቀመጡ ሊፈቅድ ይችላል፡፡

     1. ማንኛውም ዳኛ ችሎት ሲሰየም የዳኛ ጋዋን/ካባ መልበስ አለበት፡፡

2. ማንኛውም በችሎት የሚገኝ እና ክርክር የሚያደርግ ዐቃቤ ህግ፣ ጠበቃ፣ እና ተከላካይ ጠበቃ ንፅህናውን የጠበቀ እና ያልተጨማደደ የዐቃቤ ህግ፣ የጠበቃ እና የተከላካይ ጠበቃ ጋዋን/ካባ መልበስ አለበት፡፡ ችሎት ውስጥ ጋወን መልበስ፣ መቀያየር እና ማውለቅ አይፈቀድም፡፡

     3. የችሎት አስከባሪ ፖሊስ ተገቢውን የደንብ ልብስ መልበስ አለበት፡፡

1. ማንኛውም የፍ/ቤቱ ሰራተኛ፣ ፖሊስ፣ የችሎቱ ተገልጋይ፣ ባለጉዳይ ወይም ተከራካሪ ወገን፣ ታዳሚ፣ ወይም በችሎት ውስጥ የተገኘ ማንኛውም ሰው ዳኛ ወደ ችሎት ሲገባና ሲወጣ እንዲሁም የማይስማማበት ቢሆንም ችሎቱ ትዕዛዝ፣ ብይን፣ ፍርድ፣ ውሳኔ ወይም ቅጣት አንብቦ ሲጨርስ ጉዳዩ የሚመለከተው ባለጉዳይ ራሱን ዘንበል በማድረግ ለችሎቱ  ክብር ማሳየት አለበት፡፡

1. የፍርድ ቤቱ ፕረዝዳንቶች እና አመራሮች ዳኞችን ክብርት ወይም ክቡር በማለት ተገቢውን ክብር ሰጥተው ንግግር ማድረግ አለባቸው፡፡

1. በዝግ ችሎት እንዲታዩ በህግ ከተደነገጉ ጉዳዮች ውጪ ማንኛውም ጉዳይ በግልፅ ችሎት መካሄድ አለበት፡፡

1. ዳኞች መዛግብትን በጉዳዮች ፍሰት አስተዳደር መመሪያ በተቀመጠው የጊዜ ሰሌዳ መሰረት መቅጠር እና ማስተናገድ አለባቸው፡፡

1. ዳኞች የእለቱ የችሎቱ መዛግብት መዘጋጀታቸውን ማረጋገጥ፣ እንደቅደም ተከተላቸው መለየት እንዲሁም ባለጉዳዮችም መዘጋጀታቸውን ማረጋገጥ አለባቸው፡፡

2. ዳኞች የችሎት ሰዓትን አክብረው ስራ መጀመር እና መዛግብትን በተቀጠሩበት ቀን እና ሰዓት ማስተናገድ አለባቸው፡፡ በበቂ ምክንያት ከዘገዩ ባለጉዳዮችን በማክበር ይቅርታ ይጠይቃሉ፡፡

የፍርድ ቤቱ ሬጅስትራሮች እና የአስተዳደር ሰራተኞች የሚከተሉትን ተግባራት ማከናወን እና ማሟላት አለባቸው፡፡

1. ለችሎቱ በቂ ድጋፍ የሚሰጡ የአስተዳደር ሰራተኞችን መመደብና በማንኛውም ሁኔታ ሲጓደል ችሎቱ ከመጀመሩ በፊት ማሟላት፡፡

1. ቋንቋ የመተርጎም አገልግሎት በአግባቡ እና በትክክል ያለአድሎ ማካሄድ፡፡

2. ባለጉዳዮችን ማክበር እና በአግባቡ ማስተናገድ፡፡

1. ማንኛውም ሰው የችሎት ስነ-ስርዓት እንዲያከብር ማድረግ የችሎት ስነ-ስርዓት ተጥሶ ሲገኝ ለችሎቱ ዳኛ የማሳወቅ፡፡

2. በዳኛው የሚሰጠውን ትዕዛዝ ማክበር፣ መቀበል እና በአግባቡ መተግበር፡፡

1. ለችሎቱ  ስራ  ሳያስፈልግ  ማንሾካሾክ፣  ማውራት፣  ድምፅ  ከፍ  በማድረግ  መናገር፣ መንጫጫት፣ ስልክ ማነጋገር፣

2. ጋዜጣ እና ማንኛውንም ሌሎች ፅሁፎችን ማንበብ፡፡

3. ሲጋራ ማጨስ፣ መጠጣት፣ መመገብ፣ መተኛት፡፡